viernes, 9 de mayo de 2025
jueves, 8 de mayo de 2025
Letras galegas. Carteis
Carteis gañadores do Concurso-Exposición Letras Galegas.
A exposición gañadora na categoría A, destinada aos centros de educación infantil e primaria, é Cantareiras: poesía popular oral, na procura de difundir o labor e transcendencia das mulleres homenaxeadas entre a rapazada.
Na categoría B, correspondente ao resto dos centros e niveis educativos do ensino non universitario, o premio foi para Canta que cadramos ben, ofrecendo unha estrutura harmoniosa e de gran beleza, como un canto ao pasado máis inmediato pero tamén ao presente.
Na categoría B, correspondente ao resto dos centros e niveis educativos do ensino non universitario, o premio foi para Canta que cadramos ben, ofrecendo unha estrutura harmoniosa e de gran beleza, como un canto ao pasado máis inmediato pero tamén ao presente.
As Ferreñas
Un texto de teatro que tamén é radio, poesía e moitas outras cousas.
Esta é a historia que nos presenta Paula Carballeira, con ilustracións
de Nuria Díaz, para coñecermos as cantareiras que protagonizan o Día das
Letras Galegas 2025. Preparádevos para cantar, improvisar e non parar
de botar piques e aturuxos!
Recursos Letras Galegas
Fai clic enriba de cada imaxe para acceder aos recursos.
Reunións para cantar e bailar
Instrumentos para a música tradicional
A fuliada na vila de Rosa e Adolfina
A orixe da nosa lingua guapa
Unha meiga, unha profesora e un grupo de nenas e nenos ben espelidos protagonizan do CPI Santa Lucía de Moraña a primeira película de ficción da Real Academia Galega, baseada en feitos abraiantes pero reais como a vida mesma. Non perdades a fascinante historia do nacemento dun idioma especial coma ningún outro, porque sodes vós as persoas que tendes o superpoder de seguir a darlle mil primaveras máis de vida! Só tendes que berrar e practicar este retrouso máxico: Nós, en galego! A nosa lingua guapa!
A orixe da nosa lingua guapa é un filme producido pola Real Academia Galega a partir dunha idea orixinal da académica Fina Casalderrey, autora dunha morea de historias que levan cativado a varias xeracións de nenas e nenos. Damián Varela foi o director da orquestra a partir do guión asinado por Casalderrey e Fátima R. Ruibal, que é ademais a meiga-mestra que protagoniza esta película xunto ás verdadeiras estrelas: os nenos e as nenas do CPI Santa Lucía de Moraña que se converteron en actores e actrices para a ocasión.
Dorothé na Vila
Dorothé na Vila é unha película documental que percorre corenta anos despois o mundo gravado pola musicóloga suíza Dorothé Schubarth, autora do Cancioneiro Popular Galego, a maior compilación de músicas de tradición oral do país.
Letras galegas 2025
Aprendemos un pouco máis sobre as homenaxeadas neste 2025 no Día das Letras Galegas.
Suscribirse a:
Entradas (Atom)